Šatta vuovdaleaddji //
Bli utstiller

Vuovdaleaddjit geat ohcet saji Šoop šoop fertejit ollašuhttit čuovvovaš kriteriaid:

KRITERIAT

• Fitnodagas ferte leat organisašuvdnanummar. Dat sáhtta leat juogo ovttaolbmofitnodat dahje oasusfitnodat.
• Fitnodat merošta iežas sámi fitnodagan. Mearkkaša ahte fitnodagas leat sámi váldoelemeanttat.
• Gálvvut maid fitnodat vuovdá fertejit váldet vuođđun duodjeárbevieruid dahje sámi kultuvrra.
• Brønnøysundregisteris galggašii boahtit ovdan ahte lea sámi fitnodat.

Vuovdaleaddjit geat ožžot sáji fertejit ollašuhttit čuovvovaš Eavttuid:

Eavttut

• Fitnodagas ferte leat ambišuvdna vuovdit iežas gálvvuid osttiide.
• Fitnodat ferte oassálastit goappašit beivviid Šoop Šoop meassuin.
• Fitnodat ferte searvat okta beaivásaš bargobádjái ovdal Šoop Šoop meassuid. Bargobájis leat praktihkkalaš doaimmat, mas lea ulbmil ahte du fitnodat lea bures ráhkkanan deaivvadit ostiiguin ja gussiiguin. Báiki gos bargobáji čađahit mearriduvvo gos eanemus buvttadeaddjit leat eret geat leat ožžon saji.
• Suoma dahje ruoŧa fitnodagain ferte leat gelbbolašvuohta vuovdit gálvvuid Norgii ja Norgga osttiide.
• Fitnodagas fertejit haddelisttut ja lágidanáiggit leat gárvvis Šoop Šoopii
  (bargobájis mii veahkehit buohkaid dainna).
• Fitnodat ferte ieš gokčat mátkegoluid ja orruma ovddas.

Davja jerrojuvvon gážaldagat

FERTEN GO OHCAT SAJI JUS HÁLIDAN SEARVAT?

Juo. E-poastta boahta sidjiide geat leat ožžon saji.

Máksá go searvat jus oaččun saji?

Juo, oassálastindivat lea 2000,- ruvnno + mva maid fertet máksit go leat ožžon e-poastta. (Dán jaga oassálastindivat lea vuoliduvvon 5900 + mva ruvnnos 2000 + mva ruvdnui Covid – 19 geažil).

MAID MUN GALGGAN MIELDE VÁLDIT MEASSUIDE?

Váldde mielde gálvvuid maid áiggut vuovdit.

DáRBBAŠAN GO BEAVDDI, sTUOLUID DAHJE EARÁ VIESSOGÁLVVUID?

Šoop Šoopas leat beavddit, plakáhttaholggat ja eara holggat maid sáhtát láigohit meassuide. Šoop Šoop ráhkada plakáhta dutnje.

BEASAN GO IEŠ HERVET VUOVDINBEAVDDI?

Don fertet čuovvut njuolggádusaid maid Šoop Šoop lea ráhkadan vuovdinbeavddi hervema oktavuođas. E-poasttas boahta sierra diehtu dan birra. Beavddis galget dušše leat gálvvut maid meinet vuovdalit. Dat mearkkaša ahte ii leat lohppi iežat hearvvaiguin hervet beavddi nu go omd. rukses gárdiinnaiguin, iežat plakáhtain jnv. Don oaččut sierra vuorkka gosa galgá vurket kássaid jna. vai eai fierat vuovdinbeavddi luhtte. Dus lea maid geatnegasvuohta iežat vuovdinbeavddi doalahit čorgadin.

Goas beasan cegget vuovdinbeavddi?

Cegget ja hábmet iežat vuovdinbeavddi fertet eahkeda ovdal bargat – mii lea duorasdaga njukčamánu 10. beaivvi. Buohkat fertejit leat Tråantes ja Kunsthallas maŋemusat dii. 18 duorasdat eahkeda oktasaš ráhkkaneapmái meassuide. Du vuovdinbeavdi ferte leat gárvvis go uvssaid rahpet bearjadaga njukčamánus 11. beaivvi dii. 10.

FERTEN GO IEŠ LEAT MEASSUIN?

Juo, don fertet ieš leat doppe ovddasteame iežat vuovdinbeavddi olles meassus.

Sáhtiba go guokte fitnodaga oktasáš vuovdinsajis?

Eaba sáhte, juohke fitnodagas ferte sierra vuovdinsadji.

BEASAN GO ČORGET IEŽAN VUOVDINBEAVDDI JA VUOLGIT OVDAL GO MEASSUT NOHKET?

A-a. Beassa čorgegoahtit go uvssaid leat gidden.

FERTEN GO BUOT EAVTTUID OLLAŠUHTTIT VAI BEASAN SEARVAT MEASSUIDE?

Juo.

LEA GO VEJOLAŠ BIEPMU OASTIT MEASSUIN?

Juo. Meassu lágiiduvvo báikkis gos leat borranvejolašvuođat.

LEA GO BÁGGU Oassálastit bargobájis mii lágiiduvvo OVDAl meassuid?

Juo. Doppe boađat oažžut buriid rávvagiid ja oahpu mii dus boahtá leat ávkin sihke meassuin ja boahtteáiggi vuovdaleamis.

FerteJIT GO diŋgoNskovvi ja HATTIT leat GÁRVVISIN meassuide?

Juo, dus fertejit leat diŋgonskovit ja hattit gárvasat ovdal go meassu rahpá uvssaid, ja áinnas gárvat buori áiggis. Mii veahkehit buohkaid bargobájis dáinna.

MII LEA B2B

“Business to business”. Dán beaivve boađát deaivat buot oastiid geat leat dieđihan searvat. Dáppe doalla ahte čájehat daid deháleamos gálvvuid osttiide. Okta dahje guokte variánta juohke gálvvus. Omd. jus dus lea govva maid lea vejolaš oažžut máŋgga ivnnis de it dárbbaš visot ivnniid čajehit vuovdinbeavddis.

MII LEA B2c?

“Business to customer”. Gussiid beaivi, ja sis lea vejolašvuohta gávppašit ja diŋgot gálvvuid dus. Dan beaivve dárbbašat eanet gálvvuid čajehit iežat vuovdinbeavddis, muhto geahččal goitge ahte it deavdde beavddi badjelmeare olu. Doala baicca čorgadin. Meassolanja lahka lea vuorkka gos beasat vurket ja viežžat eanet gálvvuid dađistaga go dárbbašat.

SÁhtan go iežan gálvvuid sáddet meassuide ovdAGIHtII?

Jus háliidat gálvvuid sáddet, de ferte juohkehaš ieš váldit oktavuođa iežas idjadanbáikkiin dan oktavuođas.

it go gávnna dappe vástadusa iežat gážaldahkii? Oktavuođadiehtu lágideddjiide:

Knut-Arne Iversen: knutarne@kreativindustri.no
Telefon: 918 24 844

Karine Kimo Pedersen: karine@arvu.no
Telefon: 454 62 512